Besi Bekteshi

Veliaj prezanton G 99 në Shkodër.
Mos shikoni ndarjet fetare dhe ato partiake. Duhet një ngritje e interesit qytetar, për jetën dhe progresin.

Shkodër--Në një nga mjediset e “Grand Hotel Europës” lëvizja tashmë e përhapur edhe në rrethet e Shqipërisë “G  99”, ka bërë prezantimin e saj në qytetin e Shkodrës dhe pjesmarrës kanë qënë si të rinj, por edhe intelektualë të pikërisht këtij qyteti. Në fillim të prezantimit nga organizatorët është thënë se “tashmë qeverisja dhe politika e sotme janë parë se çfarë mund të prodhojnë dhe G 99 është pikërisht për një politikë të re dhe njerëz të rinj që kërkojnë integrimin dhe një jetë më të mirë”.

Kanë marrë fjalën shumë oratorë kryeisht të rinj, që kanë organizuar “G 99” në Shkodër të cilët janë fokusuar dhe te problemet e Shkodrës në veçanti, dhe kanë vazhduar me premtimin se ky qytet dhe i gjithë vëndi, duhet të administrohen dhe prosperojnë shumë më mirë me koncepte të reja dhe intelektualizëm të veçanë, por edhe me ndershmëri.
Një filmat e projektuar nga organizatorët, ka sjellë në mëndje të të pranishmëve idealet e dhjetorit, por edhe fatkeqësitë e vitit 97-të sëbashku me ato të kohëve të fundit.
Megjithatë mbas këtyre filmateve dhe të rinjve që janë pronocuar për “G 99”, fjalën e ka marrë e lideri i saj Erion Veliaj, që ka bërë të qartë të pranishmëve se çfarë ide dhe propozimesh politike, ka organizata e tij tashmë.
Ai kryesisht ka vënë theksin në mungesën e shtetit në krah të qytetarit dhe shpesh herë edhe daljen kundër këtij qytetari, që paguan taksat.
Veliaj tha se nuk mund të pyetet më në se je mysliman apo katolik ose demokrat apo socialist”. Ai tha se duhet guxuar dhe mbledhur si qytetarë për të qeverisur më mirë vëndin dhe mbrojtur idealet për të cilat njerzit dolën në vitin 1990-të. Dukeuz e vështirë tha ai, por një organizim qytetarësh është diçka shumë e rëndësishme.
Pastaj të pranishmit krijuan një debat në formë pyetjesh me Veliajn, ku dolën edhe shumë opsione të tjera të prezantimit të “G 99” në Shkodër.
Në fakt qyteti i madh verior, është bërë tashmë një arenë e ardhjes së të gjithë liderëve kryresorë dhe kuptohet se ndër to edhe ato të partive të mëdha. Por Shkodrën tashmë po e vizitojnë shpesh dhe me qëllime të prezantimit dhe organizimit, edhe partitë e krijuara rishtas për të hedhur themelet e organizmave të tyre në këtë qytet kaq të rëndësishëm të Shqipërisë.