Shko tek permbajtja
Strumentet
Narrow screen resolution Wide screen resolution Auto adjust screen size Increase font size Decrease font size Default font size default color blue color green color
Ju jeni ketu: Home arrow Lajme arrow Te Fundit arrow Besi Bekteshi / Berisha largon “bum-et” nga rruga e Velipojės.
Besi Bekteshi / Berisha largon “bum-et” nga rruga e Velipojės. E-mail
Thursday, 31 July 2008
 Shkodër—Nuk ka më shumë se dy javë që, nga shpejtësia dhe parakalimet e shumta, por edhe nga mos kontrolli i policisë, në gjatësinë prej 4 km të cilat të fusin në plazhin e Velipojës, u vëndosën disa të ngritura në rrugë, kaq shumë të “thepisura” sa shumë makina kanë lënë parakolpet në to. Më e bukura është se ato që i vendosën janë kujdesur që disa metra më përpara, të shkruajnë me bojë të bardhë edhe fjalën “bum” i cili paralajmëronte se përpara do të ketë “malore” që po ti kalosh me shpejtësi, makina të thyhet në dysh. Mbas vendosjes së këtyre “bum-eve” në fakt aksidentet nuk është se u pakësuan por u shtuan kalimet e rrezikshme anash, që sillnin lloje të tjera aksidentesh. Sot këto “bum-e” u hoqën dhe askush nuk dha asnjë arsye, se pse administratorët e pushtetit lokal, apo drejtorisë së rrugëve apo dhe vetë policisë së shtetit  që e kanë lejuar këtë “bum-izim”,  ti largojnë papritur. Por përgjigja erdhi menjëherë dhe kishte të bënte me vizitën e Kryeministrit Berisha ditën e premte në Shkodër dhe Velipojë për disa inagurime. Dikujt i kishte shkuar në mëndje se vargu i makinave kryeministrore do të hiqte të “zinjët e ullirit” me “bum-et” dhe menjëherë natën, këto pengesa të përgatitura për njerzit, por jo për kryeministrin u larguan. Por gjithashtu nga burime të sigurta në Velipojë dhe polici, është marrë vesh se “bum-et” po largohen vetëm gjatë vizitës së Berishës, për tu rikther shumë shpejt të nesërmen e largimi të tij nga Velipoja. Kështu plazhi më i madh në veri po kalon një periudhë të çuditëshme të ndërtimit dhe shkatërrimit të “bum-eve” që po merr trajtat e humorit dhe të mërzitjes së përgjithshme me këtë lloj mënyre të të përshtaturit me rrugën si të pushtetit dhe të policisë, për të trajtuar udhëtarët dhe turistët në plazhin e Velipojës.


 

Opera Mrika

opera_mrika2.jpg

L A J M E R I M E KULTURORE

EDUARD JUBANI live koncert
Me date 20 nentor 2008 ora 18:00 ne Teatrin "Migjeni". EDUARD JUBANI live koncert.
 

Koha Shkoder online

Shkoder, Albania
Temp: 10°C
Mes.: 10°C
Lag.: 94%
Shpejt.: 3 km/h
Drejtimi: 230°
Barom.: 1009.1 mb
SW
Vizitore: 1419964

Harta e klikimeve

Locations of visitors to this page