Më në fund liqeni i Shkodrës pastrohet nga rrjetat pirate
Policia dhe “Renxhërsat” heqin rrjetat që kishin kënetëzuar liqenin më të madh në Shqipëri.
Liqeni fillon ti kthehet normalitetit.

Shkodër—Ka mbi 16-të vite që liqeni i Shkodrës është i “parcelizuar” dhe i bllokuar nga rrjetet pirate të cilat kanë qënë të vendosura kudo dhe në distanca të ndryshme në një sipërfaqe të madhe të tij, në anën shqiptare. Këto rrjeta kanë bërë dëme të mëdha jo vetëm në tranzitimin e peshkut dhe ushqimin e tyre, por edhe në qarkullimin e lirë me varka në liqen. Ato kanë kryer shfarosje të ngadaltë të peshkut dhe kryesisht të krapit dhe karasit, në liqenin e pasur si ai i qytetit më të madh në veri. Ka pasur shumë kritika edhe mediatike për këtë drejtim, por asnjëherë nuk është bërë e mundur të kontrollohet dhe pastrohet liqeni nga rreth 50-të rrjeta të tilla që kishin “gardhuar” liqenin e madh.

Sot ka pasur një operacion të madh të kordinuar nga “Inspektoriati i Peshkimit të Shkodrës” dhe “Rojet e Mjedisit” apo “Rengers” dhe nga “Policia Kufitare” e DPQ-së në Shkodër, por edhe “Policisë Bashkiake” të qytetit.

Puna është përqëndruar në hapsirën ujore përballë Shirokës, duke prerë pritat e ngritura nga rrjetat dhe drurët e shumtë. Për këtë aksion, ka folur edhe inspektori i peshkimit Rasim Suma i cili ka thënë: Ky pastrim bëhet në kuadrin e lëvizjeve të specieve migratore, po ashtu të lëvizjeve të mjeteve të trasportit ujor, por edhe të zhvillimit të florës dhe faunës ujore. Ai ka thënë se dëmët kanë qënë të shumta dhe të natyrave të ndryshme nga këto gardhe ujore dhe rrjeta të shumta. Shumë nga peshkarët kanë qënë të liçensuar dhe numëri i tyre kalon shifrën 25-së. Kurse numëri i metrave të rrjetave i kalon të 3000 metrave dhe pritat me gardhe prej druri kanë shumë vite.
Licenca e gabuar dikur, për prita e rrjeta ka përfunduar në vitin e kaluar, dhe Suma thotë: Se rrjetat lejohen, por në mënyrë selektive dhe forma e gjuetisë për të cilën kemi ndërhyrë është e pa liçensuar.
Ky operacion do të vazhdojë pa mbarim dhe peshkatarët në një farë mënyre kanë qënë jo dakort me këtë lloj mënyrë ndërhyrjeje dhe duke mos dashur të prononcohen publikisht kanë deklaruar nën zë se “kanë investuar miliona lekë për rrjetat dhe kërkojnë të merret në konsideratë problemi i tyre për të mos shkuar dëm investimi që kanë bërë”.
Ka edhe sens të dobët mbi mbrojtjen e liqenit përdorimi i tillë dhe pa kontroll i gardheve dhe rrjetave, të cilat nuk bëjnë asgjë tjetër, veçse dëme të mëdha në peshk dhe faunën e liqenit prandaj aksioni ka qënë tepër i domosdoshëm. Gjithsesi një operacion tillë i mirëpritur nga të gjithë ka filluar tanimë problemi është se sa do të vazhdojë që përfundimisht ligji të zotërojë edhe në liqenin e Shkodrës deri tani i “masakruar” nga mungesa e përgjegjësisë kolektive dhe të organeve të shtetit dhe pushtetit vendor.
Mund të thuhet me plotë gojën se liqeni po i kthehet më këtë aksion normalitetit nga një shpërdorim i pazakontë i peshkut dhe i gjuetisë së tij. Jo vetëm dinamiti dikur, por edhe helmet dhe rrjetat, e kanë përgjysmuar sasinë e peshkut në liqenin më të madh jo vetëm në Shqipëri, por edhe në Ballkan.