Prefekti Cungu merr masat kundra zjarreve, por tanimë njësitë vëndore duhet të merren me emergjencën e tyre.
Shkodër—Prefekti i Qarkut të Shkodrës Maxhid Cungu ka kërkuar nga njësitë e qeverisjes vendore  që ti përshpejtojnë masat për ruajtjen e ruajtjen e pyjeve nga zjarri. Ai ka bërë me dije se tani kjo përgjegjësi është akoma më e madhe dhe nisur nga fakti se një pjesë e madhe e këtyre njësive do ti marrin në pronësi si pyjet dhe kullotat. Por ai thotë gjithashtu se në përgjithësi në këtë periudhë janë marrë masa për mbrojtjen nga zjarri punë kjo që ka filluar me ngritjen e shtabit në rang  të prefekturës. Por janë ngritur shtabe të emergjencës në çdo Bashki e Komunë thuhet nga prefekti Cungu. Për gazetën “SOT” Cungu thotë se çdo institucion ka marrë përsipër detyrimet për të vepruar në rast të zjarreve dhe janë organizuar grupet e punës në çdo njësi vendore dhe institucione të nivelit qëndror si Drejtoria e Shërbimit Pyjor, reparti zjarrfikës, Drejtoria e Policisë së komisariateve dhe institucionet që varen nga Ministria e Mbrojtjes i kanë marrë detyrat sipas përgjegjësive dhe sipas ligjeve. Të gjithë janë të gatshëm të ndërhyjnë në çdo moment ka deklaruar Cungu.