REPUBLIKA E SHQIPERISE

Ministria e Brendshme

Drejtoria e Policise se Qarkut Shkoder

                                                                                                  Shkoder me 10.07.2008

                                                NJOFIM PER SHTYP

  Me dt. 09.07.2008, ne ora 23.45, u be arrestimi ne flagrance i shtetasit Fatmir Curri, vjeç 41, lindur e banues ne Dobraç, Shkoder.

Arrestimi i tij u be, pasi po me kete date, rreth ores19.00, duke qene me detyre si doganier kontrollor ne Doganen e Hanit te Hotit, ka lejuar te kaloje nje automjet tip Benz 240, me targa SH 8849 D, i ngarkuar me 99 kg pluhur lares dhe 70 kg sheqer, pa paguar detyrimet perkatese.

Per rastin ne fjale, u be gjithashtu e mundur, rreth ores 20.00 dhe arrestimi i drejtuesit te automjetit te lartpermendur, shtetasit Selim Dibra, vjeç 58, lindur e banues ne Shkoder, i cili ka kaluar kontrabande ne Doganen e Hanit te Hotit, mallrat e siperpermendura, pa paguar detyrimet doganore.

Materialet ne ngarkim te shtetasit Fatmir Curri, per vepren penale te “Shperdorimit te detyres” dhe per shtetasin Selim Dibra, per vepren penale te “Kontrabandes me mallra te tjere”, iu kaluan Prokurorise se Rrethit Gjyqesor Shkoder.

                                DREJTORIA E POLICISE QARKU SHKODER