REPUBLIKA E SHQIPERISE

Ministria e Brendshme

Drejtoria e Policise se Qarkut Shkoder

Adresa : Lagjja Partizani, Rruga F. Barbullushi, Shkoder     

                                                                                                  Shkoder me 11.06.2008

                                       NJOFIM PER SHTYP

    Me dt.10.06.2008, rreth ores 21.30, ne fshatin Bardhaj te rrethit Shkoder eshte plagosur me thike – brisk shtetasi Nard Lisi , vjeç 23 ,lindur ne Malagji te komunes Temal,dhe banues ne fshatin Bardhaj te komunes Shkoder . I plagosuri eshte derguar menjehere ne gjendje te rende ne spitalin rajonal Shkoder dhe pak ore me vone per shkak te plages se marre ,ka gjetur vdekjen.

Ngjarja ka ndodhur per motive te dobta pas nje grindjeje mes te ndjerit dhe shtetasit Pellumb Guri , i cili, pas hetimeve te bera nga ana e forcave policore, rezultoi te jete autori i krimit.

Ne oren 23.00  te po kesaj date u be arrestimi ne flagrance i shtetasit Pellumb Guri , vjeç 22, lindur ne fshatin Malagji dhe banues ne Bardhej te rrethit Shkoder .

Materialet ne ngarkim te autorit te krimit do i kalojne Prokurise se Rrethit Gjygjesor per vepren penale te “Vrasjes me dashje “.

   Me daten 10.06.2008 ora 17.35 eshte paraqitur ne spitalin rajonal Shkoder , i plagosur me arme zjarri shtetasi Hysen Skenderaj, vjec 57, lindur dhe banues ne fshatin Luarez te komunes Velipoje rrethi Shkoder , I cili tashme ndodhet jashte rrezikut per jeten. Nga hetimet e kryera nga efektivat e Policise se Qarkut Shkoder rezulton se ky shtetas eshte qelluar nga dy punonjes te policise kufitare te Malit te Zi, perballe pikes kufitare te Shen Gjergjit, pa asnje shkak, ne momentin qe i lartpermenduri po gjuante peshk me varken e tij, ne pjesene territorit Shqiptar. Punonjesit e policise malazeze e kane qelluar ate nga ana e territorit te tyre.

Po punohet per sqarimine plote te kesaj ngjarje dhe materialet do i kalojne Prokurorise se Rrethit per vepren penale te “Vrasje me dashje e mbetur ne tentative”

                                              DREJTORIA E POLICISE QARKU SHKODER