Besi Bekteshi - Autoritetet e Shkodrës shkojnë në nderojnë të rënët dhe marrin me vete edhe zjarrfiksit për të shuar plehrat që digjen përditë në “Varrezat e Dëshmorëve”.Lorenc Luka: Jemi të preukupuar dhe “landsfildi” në Bushat do të zgjidhë problemin.Shkodër---Në ditën e “Dëshmorëve” autoritetet lokale të Shkodrës kanë marrë jo vetëm kororat, por edhe zjarrfiksen për të bërë homazhet në varrezat e Bardhajve. Fusha e plehrave të Shkodrër pikërisht në këmbët e varrezave të dëshmorëve po digjesh si përditë dhe natyrisht autoritetet si Kryebashkiaku i Shkodrës dhe Prefekti sëbashku me zëvëndësat e tyre janë gjetur disi keq edhe pse e kanë ditur situatën e përditëshme. Në fakt një zjarrfikse është munduar të fikë zjarrin, por tymi ka vazhduar të bëjë të tijën pa pyetur për personalitetet. Ka vite që kjo gjëndje turpi është në këtë zonë të Shkodrës ku prehen dëshmorët dhe patriotët e qytetit dhe krahinës.