Besi Bekteshi / Shkodra block-aut për më shumë se 10-të orë

Shkodër—Nga një defekt në kablot e tensionit të mesëm dhe të lartë, pjesa e qëndrës së qytetit të Shkodrës ka mbetur pa energji për shumë orë dhe ka paralizuar edhe shumë aktivitete të kësaj zone kryesore të Shkodrës. Ky moment i ndërprerjes së energjisë ka pasur edhe vonesat e pamundësisë së riparimit të defektit dhe është dashur ndërhyrja e specialistëve nga Tirana.
Një block-aut i tillë në një sasi të madhe banorësh dhe kohë të gjatë, kishte kohë po u provuar dhe ato që kanë bërë xhirot më të mëdha në shitje kanë qënë ambulantët e shisehve me naftë dhe benzinë që janë aktivizuar menjëherë.

Shkodra përrreth 10-të orë ka rinisur edhe një herë zhurmën e gjeneratorëve dhe të impjanteve të mëdha gjenerues energjie. Block-auti-i ka paralizuar të gjithë qëndrën administrative, shkollat në përgjithësi dhe universitetin, por edhe shumë lokale dhe qëndra bisnesi apo edhe hotelerie. Vetëm në mbasdite vonë defekti është rregulluar dhe qytetarët janë kthyer në qetësinë që ju jep ndezja e një drite, apo edhe puna e një radioje apo televizori.