Gropa dhe plehra të shumta ka në këtë treg i cili në të vërtetë nuk është aspak larg qëndrës së qytetit dhe në afërsi të stadiumit “Loro Boriçi”.
Në fakt të rinjtë e “Lëvizjes për Integrim” me lekët e tyre, kanë siguruar një sasi zhavorri dhe një makinë dhe me lopata kanë filluar të mbushin disa prej gropave të këtij sheshi dhe rruge në tregun e “Zdrales”.
Arlind Mitku si një nga aktivistët e LRI-së ka thënë se kjo lëvizje rinore po i tregon të gjithë qytetaëve që me aq mundësi sa kanë po mundohen ti lehtësojnë sadopak qarkullimin në këtë rrugë të rëndësishme të Shkodrës.
Këtë ndërhyrje vërtetë simbolike, aktivistët e LRI-së e kanë arsyetur edhe si protestë ndaj Bashkisë së qytetit të tyre që po sipas tyre nuk po mban premtimet dhe afatet e shpallura për riparimin dhe përfundimin e rrugëve.
Ato kërkuan investime edhe në pika të tilla të rëndësishme kur asfalti ka ardhur krejtësisht afër.
Një aktivist tjetër Heridon Hardolli ka kritikuar kryetarin e Bashkisë Lorenc Luka që nuk po mban premtimet dhe ka deklaruar se po gënjehet, sepse infrastruktura e Shkodrës është në gjëndje të keqe.
Në po sensibilizojmë publikun dhe Bashkinë kanë thënë të rinjtë e LRI-së, sepse tashmë degradimi i rrugëve sidomos në tregjet dhe pjesët urbane shumë të qarkullueshme është i pa pranueshëm.