Gjithsesi ndërtimet si pa leje dhe ato me leje nuk po lejojnë akoma përfundimin e një aksi rrugor dikur të degraduar që t’ju shërbejë rreth 25 mijë banorëve të këtyre lagjeve për të dalë në qëndër dhe automjeteve të qarkullojnë më lirshëm. Ky aks rrugor ka pasur një nga investimet më të mëdha të Bashkisë dhe në fakt përbën një nga sukseset e saj që rregullon jo vetëm qarkullimin, por edhe urbanizimin e lagjeve qytetare të Shkodrës. Rruga ka edhe trotuaret dhe ndriçim dhe paramentrat janë optimalë për lidhjen e saj edhe me rrugicat e shumta të lagjeve përreth saj. Tanimë Policia Bashkiake dhe ajo e Inspektoriatit të Ndërtimit duhet të ndërhyjnë, sepse nuk mund të tolerohet të vonohet pafundmërisht investimi pse dikush kundërshton pa të drejtë shpronësimin ndërkohë që të gjithë presin përfundimin e kësaj rrugë tepër të rëndësishme.