Shkodra - Informacion, lajmerime e kulture per shkoder e rrethina.- InfoShkodra.com

Ju jeni ketu: Home

Qamil Gjyrezi: Efekti Jakova!

Thursday, 23 August 2007

Qamil Gjyrezi: Efekti Jakova! qamil gjyrezi.jpg
Psikologji Arti,terapia e muzikës.

Muzika e kompozitorit të madh shkodran dhe shqiptar P.jakova ,krahas vlerave të mëdha estetike,filozofike,edukuese,sociale ka gjithashtu pa diskutim edhe vlera kuruese!Muzika e Jakovës duke filluar që me pjesët e vogla ,këngët dhe deri me artin vocal sic janë ariet e operës Mrika dhe Skenderbeu kanë efekt kurues si strukturë dhe muzikë.Fuqia kuruese e muzikës së P .Jakovës lidhet me një seri faktorësh sic janë fuqia e talentit të tij,psikogjenetika,forca e tingullit të krijuar nga artisti i madh që është pjesë e një substance që është transmetuar në kohë nga elementë auditiv dhe ne krahas dëgjimit të saj për kënaqësi dhe studim mund ta përdorim edhe si kurë.Psikoakustika përshkruan mekanizmin përgjegjës të ndijimit lidhur me përceptimin tonë ndaj lartësisë së tingullit,forcës ,timbrit të muzikës së P.Jakovës.Tingulli I Jakovës nëpërmjet një komunikimi të fortë ka aftësinë të përmirësojë dhe të përdoret me sukses nga terapistët për crregullime të ndryshme si,pagjumsia,ankthi ,depresioni,problemet me të folurën etj.Muzika eJakovës,si element terapik,mund të krahasohet me një paqyrë magjike që mbahet përpara fëtyrës së klientit për ta ndihmuar atë në përgjigjet lidhur me pyetjet e thella mbi ekzistencën e tij si individ,unin e tij.Efekti Jakova është një nyje e rëndësishme që na ndihmon jo vetëm për ta kuptuar botën,por edhe të kurojmë duke arritur një balancim të trupit ,psikikës ,ndjenjave dhe shpirtit.Forca e gjenisë dhe faktori psikogjenetik I tashëguar ose I lindur kanë krijuar një art me një psikologji të vecantë tek Jakova që shpreh ndjenja dhe emocione të forta të kompozitorit dhe që transmeton një strukturë me një psikologji e cila lidhet me një seri faktorësh psikosocial dhe patjetër psikogjenetik me shumë vlera.Megjithatë në këtë plan atë të psikogjenetikës,Jakova nuk përqafoi zanatin e të jatit,dhe sëbashku me vëllezërit kultivon muzikën dhe letërsinë.Është psikologjia sociale ose rrethi I njerëzve,pedagogëve dhe bashkëmoshatarëve që luajti një rrol të madh.Ai mëson tek franceskanët,të cilët kishin studiues të mëdhej të artit dhe letërsisë si psh At Gjergj Fishta,At Anton Harapi etj.Por takimi me At Martin Gjokën e ndihmon fuqishëm artistikisht dhe psikologjikisht në të ardhmen e artistit.

Arti I jakovës dhe muzika e tij kanë frekuenca të larta të cilat ndikojnë shumë në qendrat të cilat krijojnë crregullimin. Por kjo muzikë me frekuenca të larta dhe karakter të theksuar psikologjik duhet të përpunohen nga terapistët dhe individët të cilët mund ta përdorin si efekt përmirësues dhe kurues.Frekuencat e larta ,stimulojnë qendrat creative,motivuese të trurit.Muzika e Jakovës ka tendencë ,që të depërtojë gjithashtu thellë në shpirtin e njeriut.Natyrisht ndikim më të madh kjo muzikë ka tek ato individë me probleme e crregullime që e kanë dëgjuar më përpara muzikën e P.jakovës.
Natyrisht që efekti Jakova ose e thënë shkurt muzika e tij kuruese duhet të përpunohet me programme të caktuara kompjuterike të cilat I heqin frekuencat e ulëta dhe I lënë frekuencat e larta të cilat ndikojnë shumë në përmirësimin e crregullimit të caktuar.Por muzika e Jakovës mund të përdoret shumë mirë edhe në gjendjen e saj reale kundër pagjumsisë,ankthit dhe për relaks.
Muzika e P.Jakovës është më terapikja krahasuar me autorët e tjerë shqiptarë.Shtoj këtu se jo të gjithë pjesët muzikore kanë karakter terapik.Në këtë kontekst Muzika Jakoviane është e vecantë.Ky është një konkluzion fillestar që kërkon një studim më të hollësishëm por gjatë eksperiencës personale dhe mbas dëgjimit të disa arieve e pjesëve vokale e instrumentale dallohet qartë natyra terapika e muzikës së Jakovës.Elementët timbrikë ,forca,zgjatja ,lartësia tonale pregatitën muzikën,rritmin,melodinë dhe harmoninë kuruese të mrekullueshme jakoviane.Pjesë të cilat kanë karakter të fortë terapik,krahas arieve të njohura janë dh Juda Makabe,Ringjallja dhe Krah për krah e cila mund të përdoret shumë mirë për të koordinuar lëvizjet në crregullime tëe caktuara dhe kanë ndjenja dhe emocione të forta.Gjithashtu edhe pjesët me karakter fetar sic është Zonja e Shkodrës dallohen për një karakter psikologjik që përfaqësojnë edhe psikologjinë e autorit mbasi ka qenë një njeri fetar.Gjithashtu Kërcimi ,një pjesë për Fizarmonikë shquhet për një rritëm me impact të mirë terapik.

Karakteri psikologjik I muzikës së Jakovës.

Talenti I kompozitorit dhe gjendja e tij psikologjike e shoqërojnë të gjith artin e artistit me ndjenja të fuqishme dhe me emocine të cilat shpesh ishin të ndrydhura të cilat janë të prezantuara në punët e tija.Natyra e fuqishme psikologjike dalohet qartë tek Aria e Gjinit,Mrikës ,Ave Maria e në disa pjesë të tjera vokale.Ai në fakt këto punë I prezantoi me një tematikë tjetër por në vetëdijen e tij ato I dedikoheshin dikuj tjetër dhe shprehnin një situatë të nënkuptuar.Një nëntekst që vetëm autori e ka ditur.Arti I tij I zhvilluar në një periudhë diktature dhe censure të plotë transmetonte shpesh ndjenja të ndrydhura dhe emocione të fuqishme të autorit.
E gjithë kjo psikologji shpesh e rënduar dhe forca e tingullit të tij janë pjesë e forcës që ky art dhe kjo muzikë transmetojnë.Në historinë e artistëve të mëdhej arti I tyre jo vetëm që ndikon për të mirë tek të tjerët por bën edhe një vetëpërmirësim.
Aspektet kaotike të jetës së Jakovës I dhane shtytje artit të tij ,duke e ngritur në pjedestal.Pavarsisht se sa tragjik është fundi I autorit të madh ose absurditetet me të cilat u përballua gjatë jetës ,melodia qiellore që buron nga muzika e tij e që është psikika dhe filozofia artistike e tij ,nuk u ndërprenë kurrë.
Muzika e Jakovës depërton në mënyrë mistike thellë në trurin tonë dhe në trupin tonë ,duke bërë të aktivizueshëm sistemin autonom dhe sisteme të tjera të pakontrolluara nga truri i jonë.

Qamil Gjyrezi,Lektor I Psikologjisë së artit Universiteti .L.Gurakuqi ,Shkodër.

Opera Mrika

L A J M E R I M E KULTURORE

EDUARD JUBANI live koncert

Me date 20 nentor 2008 ora 18:00 ne Teatrin "Migjeni". EDUARD JUBANI live koncert.

Koha Shkoder online

Shkoder, Albania

Temp:	10°C
Mes.:	10°C
Lag.:	95%

Shpejt.:	18 km/h
Drejtimi:	50°
Barom.:	1009.1 mb

Vizitore: 1496145

Harta e klikimeve

Parashikimi kohes

Parashikimi i kohes per10 ditet e ardheshme n`Shkoder

Shkolla Prenke Jakova

Bashkohu edhe ti ne grupin e
Lliceut Artistik Prenke Jakova!
Kliko ketu!

PUBLIKO DHE TI

Dëshiron te publikosh diçka qe mendon se eshte ne sherbim te komunitetit te qytetit tend?!!
Eshte e thjeshte mjafton vetem te dergosh email:
Kjo adrese e-maili mbrohet nga spam, aktivizoni java script per ta pare