Shkodra - Informacion, lajmerime e kulture per shkoder e rrethina.- InfoShkodra.com - Shiroka dhe Zogaj janë perlat e natyrës më afër Shkodrës

Ju jeni ketu: Home

Atraksionet

Shiroka

Shiroka dhe Zogaj janë perlat e natyrës më afër Shkodrës

Sunday, 17 June 2007

Speciale
Besi Bekteshi

Shiroka dhe Zogaj janë perlat e natyrës më afër Shkodrës.
Ato janë gjithashtu edhe harresa e madhe jo vetëm e pushtetit, por edhe e ekoturizmit si strategji dhe bisnes. Shiroka dhe Zogaj përbëjnë pjesët e Shkodrës turistike ku pikërisht ky sistem vlerash vegjeton në një zhvillim rudimetar, krejtësisht larg së qëni bashkëkohor dhe elitar.

Për të shkuar në dy perlat e turizmit në liqenin e Shkodrës, në fakt duhet të kalosh në shëtitoren e ish parkut të dikurshëm afër pontilit. Sot edhe si pasojë e një thatësire të jashtëzakonshme, derdhjet e zeza të qytetit kundërmojnë një erë të dallueshme dhe kanë formuar një përrua të zi, tepër të pistë i cili fundin e tij e ka në liqen dhe Bunë. Në këtë kohë të nxehti, çdo kush vëren se çfarë do të thotë që një pjesë e të zezave të qytetit më të madh në veri, të përfundojnë aty ku në fakt duhet të nisë turizmi, shetitja dhe atraksioni.
Dasmat e shumta të kësaj kohe parakalojnë në këtë pontil dhe normalisht që afrimi me urën e Bunës dhe rrugën e Shirokës përbëjnë një vlersim të atyre që nisin një jetë të re, duke qënë pjesë e pandarë e këtij qyteti të jashtëzakonshëm. Dy anije turistike qëndrojnë pa punë më shumë për faj të malazezëve se sa tonin, por përveç tyre nuk shikon asnjë lloj varke qoftë edhe me vela në liqenin më të madh në Ballkan. Kjo është edhe “risia” më negative e këtij gjigandi ujor i pa shfrytëzuar për këtë gjë.
Vegjatacioni dhe uji janë një e përbashkët, por edhe argëtimi me peshkim dhe larja në afërsi të qytetit të bëjnë të besosh se akoma nuk ka përfunduar asgjë me Shirokën. As hunjtë në liqen dhe as gropat në Tarabosh nuk krijojnë një panoramë tërheqëse, por këto njolla në pejsazh askush me pushtet nuk i kupton si të tilla.
Shiroka në hyrje ka “qëndrën e Peshkimit” e ndërtuar nga “Cooperazzione italiana” me qëllimin disiplinimin e peshkimit dhe raportin e ri për këtë zanat. Por tabela e prezantimit ka shkronja vetëm nga ana e Shirokës dhe jo nga ana e Shkodrës.
Tashmë Shiroka dhe Zogaj janë pjesë integrale të qytetit. Më në fund është rregulluar me ligj një absurd i cili ndante dy këto qëndra të banuara nga Shkodra dhe në këtë mënyrë edhe nga strategjia e zhvillimit duke i lënë në periferi apo rrethina të saj.

Megjithatë për një rëndësi dhe afërsi të tillë që ka qyteti më i madh i veriut Shiroka ka mbetur pothuaj ajo dhe në një koncept edhe pse shihen fëmijë dhe qytetarë të ndryshëm duke u larë, mund të thuhet se frekuentimi është tepër i vogël.
Shkodra shpërdoron resurset e saj, sepse nuk i vlerson apo duke i trajtuar në një drejtim vlerash pa rëndësi për kohën. Shiroka sot vlersohet për të shkuar në lokal dhe ngrënë një pjatë peshk. Kjo është shumë pak dhe pikërisht kjo gjë jo vetëm ka lënë me pak zhvillim banorët, por edhe ato që servirin këtë pjatë peshku apo tavë krapi.
Përveç 10-të lokaleve aty afër normales Shiroka sot nuk ka hoteleri të vërtetë. I mungon lidhja turistike me liqenin, varkat si shetitje, pse jo serfi apo xhirot midis kësaj pjese dhe tjetrës përballë apo edhe Malit të Zi. Mungojnë garat në ujë dhe noti sportiv tashmë dikur tepër i aktivizuar. I mungojnë diskot dhe “puub-et”, por i mungon krejtësisht infrastruktura e turizmit masiv dhe atij elitar.
Rrasat janë po ato dhe as shteti dhe për më tepër privati, nuk janë aspak të interesuar të investojnë për pontile dhe kalim nga bregu në liqen, për më tepër atraksion turistik.
Cili qytet po ta kishte do ta trajtonte kështu një vënd të tillë? Bie fjala sikur këtë mrekulli natyra t’ja kishte çuar sot afër Tiranës, kështu do trajtohej si nga qeverisja qëndrore dhe ajo lokale? E në qoftëse dikush do të kërkojë të justifikohet me forcën e madhe ekonomike të Tiranës, atëherë mund të përmëndet Pogradeci për nga zhvillimi dhe këtu mbyllet edhe diskutimi.

Po kështu dhe rruga për Zogaj me lokalet e përmirësuara, por tepër të vegjel dhe bosh kur një pasqyrë e tillë uji afron shumë më tepër. Vegjetacioni në Zogaj ka në përbërjen e tij ajrin ndryshe dhe klimën që edhe pse në 35 gradë është krejtësisht e freskët. Por edhe Zogaj ka mbetur po ajo, vetëm me njerzit e saj dhe shumë pak turistë e shumë më tepër halle jetese. Një perlë ekoturistike për nga vlerat kurative e pa përsëritshme, që nuk ka mundësi zhvillimi dhe që për të, strategjia e vetme është përsëri peshkimi dhe jo turizmi.

Janë këto strategji të cilat kanë çuar vetëm në shfrytëzmin irracional të liqenit, duke mos dhënë kurrfarë impakti turistik, duke mos e drejtuar Shirokën dhe Zogajn nga elitarizimi turistik dhe rritjen në drejtim të atraksionit në këtë drejtim.
Për këtë gjë duhet që Shkodra që nga larg duket si në tym këto ditë të nxehta, ti trajtojë ndryshe dy pjesët e saj kaq të rëndësishme siç janë Shiroka dhe Zogaj. Më mirë vonë se kurrë. Në fund të fundit, duhet kthyer timoni i krahut të zhvillimit i cili nuk është thjeshtë një tavë krapi dhe fjalë të mira për cilësinë e saj. Kjo është shumë, shumë pak, për liqenin më të madh në Ballkan, pranë qytetit më të madh në veri të Shqipërisë.

Opera Mrika

L A J M E R I M E KULTURORE

EDUARD JUBANI live koncert

Me date 20 nentor 2008 ora 18:00 ne Teatrin "Migjeni". EDUARD JUBANI live koncert.

Koha Shkoder online

Shkoder, Albania

Temp:	10°C
Mes.:	7°C
Lag.:	94%

Shpejt.:	23 km/h
Drejtimi:	350°
Barom.:	1005.1 mb

Vizitore: 1496683

Harta e klikimeve

Parashikimi kohes

Parashikimi i kohes per10 ditet e ardheshme n`Shkoder

Shkolla Prenke Jakova

Bashkohu edhe ti ne grupin e
Lliceut Artistik Prenke Jakova!
Kliko ketu!

PUBLIKO DHE TI

Dëshiron te publikosh diçka qe mendon se eshte ne sherbim te komunitetit te qytetit tend?!!
Eshte e thjeshte mjafton vetem te dergosh email:
Kjo adrese e-maili mbrohet nga spam, aktivizoni java script per ta pare