Shkodra - Informacion, lajmerime e kulture per shkoder e rrethina.- InfoShkodra.com - Mhillaj: Nuk terhiqemi pa fituar te drejtat tone

Ju jeni ketu: Home

Mhillaj: Nuk terhiqemi pa fituar te drejtat tone

Thursday, 14 June 2007

MHILLAJ: „NUK TERHIQEMI PA FITUAR TE DREJTAT TONA“
-Intervistë me Kryetarin e Shoqatës „9 Janari 2004’, Nikollë Mhillaj
„Gjykata na ka kërkuar nga 1 milionë lekë të gjitha familjeve të viktimave për të zhvilluar gjyqin duke u justifikuar se kjo shumë marramendëse i nevojitet për shpenzimet e gjyqit.Po kështu edhe Ministria e Brendëshme dhe Flota Detare na i bllokuan dokumentet origjinale për t’i vënë në shërbim të drejtësisë me arsyetimin absurd të ruajtjes së sekretit shtetëror (!)...
Unë mendoj se të gjitha këto makinacione gjykata na i bën me qëllim që të detyrohemi që të tërhiqemi nga kjo çështje dhe të mos e ngacmojmë më këtë histori ku janë të përfshirë shumë njerëz të veshur me pushtet.Por po ju them se edhe ne nuk tërhiqemi pa çuar deri në fund të drejtën tonë.“
Eshtë shprehur kështu ndërmjet të tjerash në intervistën e dhënë gazetës „TemA“, Kryetari i Shoqatës „9 Janari 2004“ Nikollë Mhillaj, në të cilën janë anëtarësuar familjarët e viktimave të tragjedisë detare të ndodhur në këtë datë në ujrat e detit Adriatik, fare pranë Gadishullit të Karaburunit, kur edhe humbën jetën 28 shtetas nga Prefektura e Shkodrës të hipur në 2 gomone të cilët tentuan të kalonin si klandestinë për një jetë më të mirë në brigjet e Italisë. Mhillaj shpjegon me detaje sorrollatjet e panumërta që po ndesh çdo ditë së bashku me familjarët e viktimave të tjerë pas dyrve të gjyqësorit dhe të dikastereve të ndryshme...
Në vijim të intervistës dhënë gazetës “TemA”, Kryetari i Shoqatës “9 Janar 2004”, Nikollë Mhillaj ndalet në fajet, sipas tij, të disa funksionarëve dhe ish-funksionarëve të lartë të shtetit të cilët, si Presidenti aktual Alfred Moisiu apo ish-Kryeministri Fatos Nano, të cilët, sipas tij nuk e meritojnë që të zgjidhen Presidentë të Shqipërisë, tashmë që thuajse e kanë bërë publikisht ambicjen e tyre.
Mhillaj gjithashtu nuk i kursen kritikat e tij as ndaj Kryeministrit aktual Sali                     Berisha teksa i kujton mosmbajtjen ende të fjëlës së dhënë në vitin 2004 në lidhje me “zbardhjen e kësaj masakre çnjerëzore me të ardhur në pushtet.”.
“A mos vallë kompromisi Nano-Berisha i bërë publikisht para zgjedhjeve të 18 shkurtit i ka sheshitur të gjitha ç’farë kanë ndodhur deri tani me pretekstin që tani e tutje të shohim nga e ardhmja?!!”, ironizon Mhillaj i cili paralajmëron se në rast se ky indiferentizëm shtetëror ndaj zbardhjes së kësaj tragjedie do të vazhdojë edhe në të ardhmen, atëherë çështjen do t’ia përcjellë Gjykatës evropianë të strasburgut.

-Keni dhënë disa herë prononcime për gazetën „TemA“ në lidhje me këtë tragjedi.A mund të na thoni kësaj here se deri ku keni arritur përsa i përket gjyqit të cilin e keni hapur qysh vititn e kaluar?

-Më 18 dhjetor të vitit 2006, sipas rekomandimit të Gjykatës së Apelit për të kërkuar dëmshpërblimin në shkallën e parë, ne dërguam anën dokumentare dhe kështu çështja jonë gjyqësore u pranua.Disa seanca nuk u zhvilluan për mungesë dokumentash pasi sipas gjykatës dokumentet që ne kishim paraqitur nuk ishin origjinalë.

-A mund të na e shpjegoni më hollësisht këtë pikë?

-Ne paraqitëm, natyrisht fotokopjet e dokumenteve zyrtare të marra në institucionet shtetërore si Prokurorisë së Vlorës, në repartin ushtarak të Flotës Detare etj., por ata na i kërkonin origjinalet.Në këto kushte iu drejtuam me shkresa zyrtare Ministrisë së Punëve të Brëndëshme dhe Ministrisë së Mbrojtjes për të na dhënë analizën e hartuar për natën e 9 janarit 2004, analizën e Drejtorisë së Policisë së Qarkut të Vlorës, dokumentet e Flotës Detare si dhe raportin e Këshillit të Ministrave të mbajtur nga Marko Bello i cili përmbante shumë fakte kompromentuese që implikonte shtetin.Mirëpo edhe vetë këshilltarët e Kryeministrit na kanë deklaruar se ky raport sot nuk gjëndet.Unë e posedoj fotokopjen e këtij raporti por, siç jua shpjegova më lart, ata nuk ma quajnë sepse duan norigjinalin.

-Po institucionet e tjerë që ju sapo përmendët, si iu përgjigjën kërkesës suaj?

-Nga Ministria e Punëve të Brëndëshme jemi njoftuar që dokumentet që kërkoni ju janë të klasifikuara si sekret shtëtëror.Të njëjtën përgjigje më ka kthyer edhe Flota Detare e Vlorës.Ndërsa ata të Ministrisë së Mbrojtjes më kanë thënë se dokumentat që ju i kërkoni ia kemi çuar në zyrë Kryeministrit.

-Atëherë po ju nndërpres.Ju i keni kërkuar këto dokumente sepse ato jua kërkonte gjykata.A e theksuat këtë fakt të rëndësishëm në kërkesën tuaj drejtuar këtyre institucioneve?

-Po, patjetër.Në këto rrethana ata u detyruan që të tregoheshin të gatshëm që t’ia vinin këto dokumenta gjykatës kur kjo t´ia kërkonte.Kështu pas shumë sorollatjesh arritëm të hapnim gjyqin sepse përpak sa nuk po na e pranonin këtë çështje nisur nga kjo llogjikë absurde.

-Si rrogjën ngjarjet më vonë?

-Në seancën që u zhvillua para 3 muajsh na u kërkua që të paguanim për çdo familje 1 për qind të shumës së pretenduar prej nesh, ose thënë ndryshe 27 milionë lekë të vjetra.Këtë shumë të stërmadhe gjykatësja e justifikonte se i nevojitej për të shlyer shpenzimet gjyqësore.Në këto kushte, shumica e familjeve të viktimave u tërhoqën sepse nuk ishin në gjëndje ta paguanin.Këtë shumë e kemi paguar vetëm 9 familje dhe kemi ndër mend t’i kërkojmë deri në një të drejtat tona.

-Me një llogari të thjeshtë matematikore i bie që ju të keni kërkuar nga 100 milionë lekë për familje?

-Po, ne kemi kërkuar nga 100 milionë lekë për familje viktimash.

-A ju pat dëmshpërblyer qeveria e atëhershme menjëherë pas tragjedisë?

-Po, të gjitha familjeve të viktimave iu dhanë nga 20 milionë lekë nga qeveria Nano.

-Po nga qeveria Berisha a keni marrë gjë?

-Kurrnjë lek.

-Përse gjykata ju nnxjerr të gjithë këto pengesa, cikli është gjykimi juaj në këtë pikë?

-Unë mendoj se të gjitha këto makinacione gjykata na i bën me qëllim që të detyrohemi që të tërhiqemi nga kjo çështje dhe të mos e ngacmojmë më këtë histori ku janë të përfshirë shumë njerëz të veshur me pushtet.Por po ju them se ne nuk tërhiqemi pa çuar deri në fund të drejtën tonë.

-Çështja e tragjedisë së 9 janarit 2004 dhe mossbardhja ende e saj ka kohë që është bërë e njohur në media Përse e patë të arsyeshme që të prononcoheshit pikërisht në këtë periudhë?

-Shoqata Kombëtare “9 Janari 2004” i konsideron si përgjegjës disa funksionarë dhe ish-funksionarë të lartë të shtetit për këtë ngjarje tragjike dhe që sot pretendojnë që të zgjidhen edhe Presidentë të Republikës.Kështu, Presidenti i atëhereshëm dhe i tanishëm Alfred Moisiu ishte edhe Komandant i Përegjithshëm i Forcave të Armatosura si dhe Kreyetare i Këshillit të Laretë të Drejtësisë.
Moisiu shuredhoi veshët parea kësaj treagjedie njëlloj sicure të mos kishte ndodhure asgjë në një kohë që më shumë se 30 vetë luftuan me vdekjen përe 18 orë me radhë.
Vetëm pas 10 ditësh Kreyetarei i Shtetit ndjeu “pendesën” njëlloj si Pilati që gozhdoi Krishtin dhe pati kureajon që të vinte në Kishën Katedreale në Shkodër që të ndiqte celebreimin e meshës kushtuar 28 viktimave.
Burime pranë Avokatit të Popullit bëjnë të ditur se qysh më 12 janar 2004, vetë zoti Dobjani i ka transmetuar Presidentit të Republikës, Prokurorit të Përgjithshëm si dhe Kryeministrit të asaj kohe shqetësimin e tij me fakte për mosvepreimin dhe mosangazhimin në reastin e tragjedisë të ish-ministrave të Mbrojtjes dhe të Rendit, Majko dhe Toska.
Të gjithë këto dokumente janë mbajtur të fshehura përe median dhe opinionin publik.Vetëm pas kësaj Preesidenti ia ka kaluare vërejtjet Ministrisë së Mbrojtjes dhe asaj të Rendit duke i varur kështu ujkut në qafë mëlçitë.
Në një emision televiziv të njërit prej televizioneve privatë të Tiranës, Monika Kryemadhi, gjatë një debati politik ia pat përplasur në studio ish-Ministrit të Rendit Igli Toska duke i thënë: „Ti je ai që i mbyte shkodranët.“.
Ne kërkojmë një President që të na shërojë plagët e hapura nga pushteti i djeshëm dhe jo një të tillë që plagët tona i ka mbushur me helm.

-Le të kthehemi në vitet e fundit.Po mbushen 2 vjet qysh kur Partia Demokratike ka ardhur në pushtet.Ndërkohë, një vit më parë ju keni denoncuar me fakte jo vetëm në gazetën „TemA“ mjaft nga ish-drejtuesit e lartë të piramidës shtetërore si të implikuar me këtë ngjarje. Ç’mund të na thoni për predispozitën e pushtetarëve aktualë në përgjithësi, pa përfshirë këtu gjyqësorin?

-Ish-kryetari i opozitës në janar të 2004-ës, Sali Berisha u pat angazhuar se me tu kthyer në pushtet do ta zbardhë këtë masakër çnjerëzore.“Do të jem unë Sali Berisha avokati i këtyre djemve dhe vajzave të pafajshme.“, pat deklaruar tekstualisht Kryeministri aktual.
Tani shtroj pyetjet: Ku është fjala e dhënë? Ku është premtimi i bërë publik? Që prej më shumë se 3 vjetësh?
Ne nuk do të donim avokat më të fortë se Kryeministrin po të kishte vullnetin që kishte dje në opozitë.
A mos vallë kompromisi Nano-Berisha i bërë publikisht para zgjedhjeve të 18 shkurtit i ka sheshitur të gjitha ç’farë kanë ndodhur deri tani me pretekstin që tani e tutje të shohim nga e ardhmja? Nuk askush të drejtë, as presidentët e as kryeministratqë t’i harrojnë fëmijët tanë.Ata i kishim për vete e jo për t’i ngrirë në brigjet e Karaburunit.
Fajtorët e vërtetë të tragjedisë së 9 janarit tashmë dihen, dhe ata as kanë kërkuar falje dhe as nuk kanë shtrirë dorën e pajtimit me ne.Përkundrazi, ata kanë porositur gjykatat dhe gjykatësit që të na sorollasin, të na denigrojnë dhe të na mërzisin me qëllim që të na detyrojnë që të heqim dorë nga drejtësia. Por ne nuk do të heqim dorë nga drejtësia

-Ç’farë rrugësh të tjera mendoni që të ndiqni në rast se vazhdon kjo indiferencë ndaj jush?

-Pasi të kalojmë të gjitha shkallët e gjyqësorit shqiptar, çështjen do ta çojmë në Gjykatën e Strasburgut.Ne jemi të bindur se me dokumentet që disponojmë se do ta fitojmë këtë gjyq.Në të njëjtën kohë edhe integrimi i Shqipërisë në NATO dhe BE nuk ka se si të pranohet kur nuk ndëshkohen fajtorët.
Partia Demokratike ka ardhur në pushtet me premtimin se do të vendosë shtetin ligjor dhe do të respektojë të drejjtat e njeriut.Nisur nga kjo i kërkojmë edhe një herë Kryeministrit të Shqipërisë që të reflektojë nëse ka ndër mend që të mbështesë kandidaturën e Fatos Nanos si President në mënyrë që ky i fundit të sqarojë atë ngjarje tragjike dhe pozicionin e tij me këtë çështje.

-Dhe në mbyllje, a vazhdoni të keni besim përsëri te drejtësia?

-Çështjen e parë e pat hapur Prokuroria e Vlorës por ajo po e mban atë peng dhe nuk po bën asnjë hap përpara.Ndërkohë, siç dhe jua shpjegova edhe në fillim të intervistës, një proces tjetër e kemi hapur edhe në Tiranë...
Deri tani jemi të zhgënjyer nga drejtësia shqiptare.Me këtë Prokurori dhe me një pjesë të këtyre gjyqatërëve nuk besoj se do të shkojmë dhe të integrohemi në Evropë.
Por siç jua theksova edhe më lart, nëse drejtësia shqiptare do të vazhdojë të na shpërfillë, çështaj jonë nuk do të jetë më në duart e saj por në ato të Gjykatës së Strasburgut.
Ne jemi të bindur se 9 janari do të zbardhet një ditë por nuk u falet pushtetarëve të sotëm që nuk po kontribuojnë për vendosjen e së drejtës në vend.Nëse vërtet ata e duan një gjë të tillë kanë ende kohë për ta bërë këtë.

INTERVISTOI: ARBEN LAGRETA

Shkodër, qershor ‘2007

L A J M E R I M E

“Mësojmë dhe argëtohemi”

FTESE / Shoqata “Shpresa për të Ardhmen” me bashkëpunimin e Ambasadës Hollandeze Organizon ekspozitën me punime artistike nga fëmijët: “Mësojmë dhe argëtohemi”
Me 8 Shtator 2008, Ora 11:00. Lagje “3 Heronj”, Rruga Skenderbeg, Shkodër. Tel 022 46423.

Giffoni Film Festival