Në kuadrin e muajit të Kulturës mes Shqipërisë dhe Kosovës që e kanë shpallur shtatorin të tillë kryeministrat e dy vendeve, do të ketë edhe aktivitete sportive. Kështu një i tillë do të zhvillohet pikërisht kët fundjavë në Shkodër kur bëhet fjalë për një takim në boks mes kombëtareve të dy vendeve Shqipërisë dhe Kosovës. Ndeshjet e kësaj miqësoreje do të nisin të shtunën në orën 17.00 në pallatin e sportit “qazim Dervishi” të Shkodrës, qytetin që është caktuar për zhvillimin e këtij aktiviteti. Drejtues të Ministrisë së Kulturës, Rinisë dhe sporteve në bashkëpunim edhe me Federatën e Boksit por edhe Bashkinë Shkodër e klubin Vllaznia kanë marrë të gjitha masat për mbarëvajtjen e këtij aktiviteti. Trajneri i ekipit tonë kombëtar Zef Gjoni është marrë gjatë këtyre ditëve edhe me hartimin e listës së boksierëve që do përfaqësojnë vendin tonë në këtë aktivitet. Kryesisht do jenë boksierë të Vllaznisë, Flamurtarit, Apolonisë, Tiranës dhe Teutës ata që do përbëjnë formacionin tonë. Organizatorët i kanë marrë të gjitha masat për mbarëvajtjen e këtij aktiviteti.
Gjergj KOLA