Në stilin e shtytjes Trasha ka arritur të ngrejë vetëm 152 kilogram dhe ka humbur në dy provat e tjera me 155 kilogram, duke zenë vendin e tetë. Në dygarësh Gerti Trasha ka zenë vendin e pestë me 285 kilogram. Dhe do të vinte pikërisht dita e djeshme e konkurimit, e cila do të nxirrte në vendin e parë një tjetër kampion si Erkand Qerimaj, i cili do të zinte vendin e parë në stilin e shkëputjes, duke ngritur 175 kilogram. Kështu, ai shpallet kampion bote për të rinj në peshëngritje, në këtë stil. Shkodrani ka siguruar edhe medaljen e argjentë në dygarësh për kategorinë 69 kilogram në kampionatin botëror për të rinj, që po zhvillohet në Hangzhou të Kınës. Në stilin e shtytjes, peshëngritësi shqiptar megjithëse ka ngritur 136 kilogramë, po aq sa kundërshtari i tij kryesor, greku Vladimiros Lazaridis, nuk u rendit i treti për shkak të peshës më të madhe trupore se rivali i tij. Kampion bote në dygarësh është shpallur peshngritësi kinez Zhong Guoshun. Ndërkohë, peshëngritësja shqiptare Romela Begaj, ka fituar medaljen e bronxit në stilin e shkëputjes në kategorinë 58 kg. Në dy garësh Begaj është renditur në vendin e 5, ndërsa kampionie e botës u shpall rusja Svetlana Sarukaeva.Kështu mbyllet me shumë medalje për sportistët shqiptarë, kampionati botëror në peshngritje për të rinj që u zhvillua në Hangzhou të Kinës, çka do ti japë një shtysë të madhe për zhvillim e këtij sporti kaq të dashur që tashmë nuk njeh kufi.