Shko tek permbajtja
Strumentet
Narrow screen resolution Wide screen resolution Auto adjust screen size Increase font size Decrease font size Default font size default color blue color green color
Ju jeni ketu: Home arrow Sport arrow Sporte te Ndryshme arrow Plumbini: Ada mė shumė shanse se kurrė
Plumbini: Ada mė shumė shanse se kurrė E-mail
Monday, 01 May 2006
Fitorja e fundit ndaj Tepelenës natyrisht që e ka rritur së tepërmi entuziasmin në kampin velipojak. Pas shumë e shumë javësh, Ada nuk është më e parafundit në renditje dhe si rrjedhojë shanset për mbijetesë janë shtuar. Skuadra po kalon një moment të mirë dhe këtë e tregon fakti që në 3 ndeshjet e fundit, ajo ka grumbulluar 7 pikë. Duke folur në lidhje me këtë ecuri, trajneri i skuadrës Viktor Plumbini flet me nota pozitive për të teksa thotë: “Jemi duke ecur në rrugë të mbarë. Fitorja me Tepelenën natyrisht që e ka rritur entuziasmin në skuadër megjtihëse ajo duhej të kishte qenë në shifra më të thella sepse kemi humbur disa raste të pastra. E rëndësishme është që morëm tre pikët dhe tashmë shanset për të qëndruar në kategorinë e parë janë më të mëdha se kurrë”. Ekipi ka rritje në lojën e tij nga java në javë dhe ajo çfarë duket qartë, është mobilizimi maksimal i të gjithë njerëzve që janë të lidhur me Adën, me qëllim shpëtimin e saj nga rënia prej kategorisë. Duke filluar nga futbollistët që edhe po sakrifikojnë, për të vazhduar me drejtuesit si dhe donatorët që po i qëndrojnë më afër se kurrë skuadrës në këto momente. Ajo çfarë ka shumë rëndësi tani në ecurinë e Adës natyrisht që është ndeshja e kësaj jave në Berat me Tomorin vendas. Ky i fundit thuajse është shpërfytyruar krejtësisht në këto javët e fundit megjithatë velipojakët e konsiderojnë si shumë të rëndësishme dhe janë duke u përgatitur ashtu siç duhet për këtë takim. “Ndeshja me Tomorin është shumë e rëndësishme për ne dhe kësisoj shpresoj shumë që skuadra të luajë kështu siç është duke luajtur në këto ndeshjet e fundit. Një fitore në këtë takim, do na shërbente shumë për qëndrimin në kategori”-ka thënë në fund trajneri i Adës Viktor Plumbini.

Gjergj KOLA

 

Opera Mrika

opera_mrika2.jpg

L A J M E R I M E KULTURORE

EDUARD JUBANI live koncert
Me date 20 nentor 2008 ora 18:00 ne Teatrin "Migjeni". EDUARD JUBANI live koncert.
 

Koha Shkoder online

Shkoder, Albania
Temp: 6°C
Mes.: 1°C
Lag.: 81%
Shpejt.: 32 km/h
Drejtimi: 350°
Barom.: 989.8 mb
N
Vizitore: 1423484

Harta e klikimeve

Locations of visitors to this page