Te shtunen me 30 Prill 2006. Poeteka – Festivali Ndërkombëtar i Poezisë (poetë të huaj pjesëmarrës në festival), u prit në Shkodër nga Qytet Krijuese, të cilët janë gjithnjë e më tepër të pranishëm në jetën kulturore të qytetit.Në ambientet tradicionale të Kalasë Rozafat, u mblodhën në një tryezë poetë nga Austria, Maqedonia, Kroacia, Rusia, Polonia dhe Shqipëria. Të ftuar në këtë takim të ngushtë ishin dhe anëtarë të Departamentit të Letërisë, poetë e studjues, të Universitetit Luigj Gurakuqi.

Poetika e fillim-shekullit të XXI, me shqtësimet dhe ndjenjat e holla, me një formë të re që synon thelbin e fenomeneve dhe uni-it, erdhi nën interpretimin tre gjuhësh të autorëve të cilët interpretuan në anglisht dhe në gjuhët e tyre kombëtare (por edhe ne shqip përmes poeteshës Ledia Dushi, e cila ishte dhe moderatorja e takimit). Balda e MURIMIT nxiti debatin dhe diskutimin mbi këtë subjekt që ka shtegtuar në shumë treva të Ballkanit, duke i dhënë tryezës karakter multikulturor. Tryeza dëshmoi se kultura i paraprin proceseve integruese e kur është fjala për letërsinë Shkodra natyrshëm ndjehet pjesë e lëvizjeve rajonale e europiane, por këto vlera duhen promovuar, krahasuar dhe prezantuar për lexuesin europian. Aktvitete të tilla i shërbejnë këtij qëllimit. 

Poeteka në Shkodër shoqërohej nga Nen-kryetarja e Bashkisë së Durrësit, e cila e mbështet fuqimisht një aktivitet të tillë. Fatkeqësisht në Shkodër ende nuk ka iniciativa për zhvillimin e ndonjë aktiviteti ndërkomëbtar, i cili bashkë me vlerat do të përcillte imazhin e Shkodrës edhe jashtë kufijëve të Shqipërisë, por do i shërbente edhe zhvillimit social-ekonomik e kulturor të këtij qyteti.