Basketbollistët e rinj të Vllaznisë dje kanë arritur të fitojnë finalen e plej-ofit të kampionatit të të rinjve dhe janë shpallur kampionë të Shqipërisë për këtë moshë. Një sukses ky që vjen pas plot 19 vjetësh për këtë ekip (suksesi i fundit më 1989). Ajo që vlen më tepër në këtë rast dhe që duhet theksuar ka qenë natyrisht zhvillimi i të gjitha finaleve nënjë atmosferë të shkëlqyer. Klubi Vllaznia i kishte marrë të gjitha masat organizative ndërkohë që edhe pallati i sportit “qazim Dervishi” ka pasur në gjirin e tij për dy ditë me rradhë një numër të madh fituesish. Sipas kalendarit të plej-ofit në gjysmëfinale janë ndeshur dy çiftet, Tirana- Dinamo dhe Vllaznia.

Në sfidën e kryeqytetasve, ka dominuar Tirana e cila ka fituar me rezultatin 84-74 duke fituar të drejtën e daljes në finale. Në sfidën e dytë, janë vendasit e Vllaznisë ata që luajnë më mirë se Elbasani dhe për rrjedhojë fitojnë 60-53 duke dalë edhe ata në finale kundër bardhebluve. Dje paradreke është zhvilluar në fillim finalja për vendin e tretë dhe të katërt mes Dinamos dhe Elbasanit, ndeshje që është fituar nga elbasanasit me rezultatin 64-61 që merituan vendin e tretë në këtë kampionat. Finalja ndërkohë ka dhuruar shumë emocione. Përballë Vllaznisë së trajnerit Roland Koka ka qenë në fushë skuadra e trajnerit Erdal Borova që kishte në gjirin e saj lojtarë më shtatëlrtë dhe më me përvojë. Por ndeshja ka filluar shumë mirë për shkodranët që fitojnë periodën e parë në shifrat 26-11. periodat e tjera shënojnë një përmirësim të lojës së bardhebluve që fitojnë të dytën 11-16, ndërkohë që e treta mbyllet në barazim 16-16. loja merr emocione të shumta dhe në sekondat e fundit të ndeshjes, diferenca ngushtohet në vetëm 2 pikë në favor të Vllaznisë megjithatë rezultati oërfundimtar i ndeshjes flet në favorin e kuqebluve që fitojnë në shifrat 62-59. vërshëllimi e fundit e gjyqtarisë ka çuar në ekstazë gjithë sportistët, drejtuesit por edhe tifozët e shumtë në “Qazim Dervishi”. Trajneri i ekipit kampion Roland Koka duke folur për gazetën ka evidentuar faktin se për të ky është titulli i dytë, pasi të parin e ka fituar duke qenë vetë sportist ndërsa sot si trajner. Një sukses ky i merituar i basketbollistëve Gjoka, Sakiç, Kopliku, Halluni, Dragusha, Arra e të tjerë. Kupën kapitenit të Vllaznisë Fatjon Gjoka ia ka dhuruar trajneri i mirënjohur shkodran Petrit Osmani ndërsa sekretari i Federatës Andrea Troja ka dhuruar diplomat e rastit. Gjergj KOLA