Dita e djeshme ka mbyllur serinë e aktiviteteve të zhvilluara në Shkodër në kuadrin e ditës ndërkombëtare të librit. Përgjatë katër ditëve, Creative City, në bashkëpunim me biblioteken “Marin Barleti” ka organizuar “Ditët e librit në Shkodër”. Aktivitetet e zhvilluara me këtë rast u ideuan nga poetja Ledia Dushi dhe drejtori i kësaj biblioteke, Gjovalin Çuni. Nxënës të shkollave të mesme dhe atyre 9-vjeçare janë njohur me libra të fondit të biblotekës “Marin Barleti”, në ambientet e saj, fond ky që hapet për herë të parë për publikun e gjërë. Në ditën e dytë të aktiviteteve kushtuar librit është bërë promovimi i eksponatit të antikuarit, ku për herë të parë janë ekspozuar disa prej prej ekzemplarëve dhe dorëshkrimeve në qytetin e Shkodrs, pjesë e fondit të kësaj biblioteke. Të tilla janë dorëshkrime origjinale të Fishtës, Shtjefëm Gjeçovit, Justin Rrotës, Refik Toptanit, Giorgjio di Giovani si dhe disa shkrime të paidentifikueshme të shkodranishtes së vjetër.