|
|
Friday, 05 September 2008 |
  GJYREZI: “JO DELEGIMIT TE JOZEFINA TOPALLIT NE ZGJEDHJET E PD NE SHKODER
Në këtë intervistë, intelektuali i njohur shkodran Qamil Gjyrezi flet
për shëndrrimin e drejtuesve lokalë dhe partiakë të degës së PD në
Shkodës si persona që kanë personalizuar partinë dhe që po e përdorin
atë vetëm për interesat e tyre personale dhe klanore. Ndërsa në lidhje
me zgjedhjet e parashikuara këtë muaj në strukturat drejtuese të
demokratëve në rang qarku, Gjyrezi shprehet totalisht kundër delegimit
nga qendra të Jozefina Topallit si mbikqyrëse e këtij procesi në
Shkodër. Ai e akuzon Topallin si inspiruese të nepotizmit, krijimit të
grupeve klanore si dhe eleminuese të kandidaturave të goditura në
Shkodër të kësaj partie të cilat do ta kishin eklipsuar me kohë figurën
e saj.
Ish-kryetar i komisionit të Kulturës në Këshillin Bashkiak të Shkodrës,
Gjyrezi është pedagog i psikologjisë artistike pranë Universitetit të
Shkodrës “Luigj Gurakuqi” si dhe i trompës pranë liceut artistik
“Prengë Jakova. Ai është diplomuar gjithashtu në jurisprudencë ku ka
marrë edhe liçencën e avokatit si dhe në gjermanistikë.
Gjyrezi: “Nëse Jozefina Topalli do të jetë përsëri e deleguar në
zgjedhejt e PD-së në rang qarku në Shkodër, mund t’ju siguroj se
situate në këtë parti do të jetë përsëri ashtu si gjatë 3 viteve të
fundit. Pra do të kishim përsëri një degë partie thuajse inekzistente e
cila do të varej nga drejtimi nepotist dhe klanor.”
I N T E R V I S T E
Gjatë bisedës keni përsëritur disa herë që Dega e Partisë Demokratike e
Shkodrës i ka mbyllur dyert për anëtarësinë dhe publikun duke humbur
kështu çdo lloj kontakti që pas ardhjes në pushtet. Lutem diçka më
tepër rreth këtij konstatimi jo vetëm tuajin, tani në prag të
zgjedhjeve vendore në këtë parti.
Ka tre vjet që Dega e Partisë Demokratike në Shkodër është inekzistente
që pas ardhjes në pushtet në vitin 2005. Për anëtarësinë e thjeshtë ajo
nuk funksionon fare, nuk jep informacion për elektoratin dhe publikun
kështuqë edhe transparenca është zero. Kjo parti në Shkodër është
kthyer në një parti tavolinash ku vendimet dhe emërimet merren nëpër
lokale dhe krejtësisht në baza nepotike, grupimesh dhe lobimesh.
Ku konsiston shqetësimi juaj për fazën e zgjedhjeve në këtë parti dhe përse?
Jam prej atyre individëve që kam bërë politikë lokale. Siç dihet kam
qenë edhe kryetar i Komisionit të Kulturës në Këshillin Bashkiak të
mëparshëm të Shkodrës.
Shqetësimi im për demokracinë e brëndshmë në degën e kësaj partie në
Shkodër është i hershëm dhe daton para vitit 2005. Që atëherë unë kam
kërkuar votime demokratike dhe institucionalizimin e fraksioneve.
Pra sipas jush, në PD-në e Shkodrës nuk ka patur votime demokratike? Lutem diçka më konkretisht nëse keni në këtë pikë…
Shpesh në PD nuk ka pasur votime demokratike dhe këto votime të të
zgjedhurve brenda strukturave janë kontestuar herë pas here në
Konventën e kësaj partie në qendër. Sidomos pas vitit 2005 edhe
emërimet janë kryer në qarqe të mbyllura dhe jotransparente. Por edhe
në vitin 2004, në nëndegën e PD-së ku bëj pjesë, më kanë vjedhur votat
gjatë votimit për drejtuesit e strukturave të kësaj partie. I pata
kërkuar zgjidhjen e kësaj padrejtësie flagrante ish-kryetarit të PD-së
së Shkodrës Lorenc Lukës si dhe deputetit Astrit Bushati. Për ironi më
thanë tekstualisht se ‘kështu funksionojnë gjërat në PD-në e Shkodrës’.
Njëkohësisht, ankimimin tim për të njëjtin problem e pata dërguar edhe
pranë një komisioni inekzistent të PD-së në qendër që merrej gjoja me
këto parregullsi…
Sipas jush, përsë drejhtuesit e mësipërm qendrorë dhe vendorë kanë vepruar në këtë mënyrë?
Sepse ata janë persona që funksionojnë në bazë lobesh dhe nepotizmi.
Ata duan ta përdorin partinë për interesat e tyre personale. Atyre ua
kam bërë të ditur me kohë se më kanë përdhunuar kontributin tim.
Pikërisht për këtë jam shumë i shqetësuar. Opinioni publik në Shkodër
dhe më gjerë e di mirë se unë kam kontribuar sinqerisht pas vitit 1997.
Kohët e fundit në Shkodër po vërehet një shqetësim i disave prej
anëtarëve dhe drejtuesve të hershëm të Partisë Demikratike të Shkodrës
përsa i takon ndërhyrjeve të paprecedenta nga lart përsa i takon
zgjedhjes së drejtuesve vendorë të kësaj partie në Shkodër, tashmë në
rang qarku në bazë të organizimit të ri të kësaj partie. Ç’mund të na
thoni për këtë fenomen?
Natyrisht që pas 2005 kjo parti mori një natyrë autoritare,
joinstitucionale. Kështu është qendra që emëron persona në poste të
ndryshme drejtuese partiake apo shtetërore duke mos përfillur mendimin
e bazës.Pra të gjithë këto individë ‘të bekuar’ zgjidhen në bazë të
interesave të drejtuesve në qendër të PD-së. Kjo e dëmton rëndë
demokracinë dhe dëshirën e atyre anëtarëve që duan të jenë pjesë e një
partie e cila pretendon të jetë e hapur dhe shpresoj të bëhet e tillë.
Zgjedhjet në PD janë zgjatur tej mase madje është thyer edhe statute i
kësaj partie. Meqenëse është një parti në pushtet duket se janë marrë
më tepër me pushtetin, si me atë lokal ashtu dhe me atë qendror, duke
harruar kështu partinë.Ky fenomen i ka dhënë shansin shumë individëve
drejtues në PD që të jenë sektarë dhe preferencialë në zgjedhjet e
tyre.
Në mediat vizive lokale jeni shprehur kundër pranisë së Jozefina
Topallit si e deleguar nga qendra për mbikqyrjen e këtyre zgjedhjeve në
Degën e Partisë Demokratike të Shkodrës. Cila është arsyeja e këtij
shqetësimi?
Këtë e kam deklaruar dhe po e deklaroj përsëri publikisht, tashmë në
median qendrore. Pra jam totalisht kundër delegimit të Jozefina
Topallit nga PD-ja në Shkodër. Dei para vitit 2005 kam pasur respekt
për të por pas ardhjes në pushtet ajo tregoi se i përket vetëm një
grupi të caktuar njerëzish në PD, si në qendër ashtu edhe në Shkodër.
Ajo ka luajtur një rol negativ por edhe totalitar në emërimin e mjaft
personave pa kurrfarë kontributi në poste shtetërore. Personalisht jam
larguar direkt prej saj nga Këshilli Bashkiak për më tepër pas një
kontributi dhe aktiviteti shumë të mirë dhe aktiv në fushën e kulturës,
madje edhe përtej kufijve të cilin e njohin mirë mbarë qytetarët
shkodranë.Po kështu është Topalli ajo që ka hedhur poshtë në mënyrë
guerrilase kandidaturën time si drejtues të një institucioni informues
dhe kulturor në Shkodër.
Jam prej atyre njerëzve me projekte dhe ide si dhe me të drejtën
qytetare për tu përfaqësuar por Kryetarja e Parlamentit, kryetari i
Degës së PD-së si dhe kryebashkiaku i Shkodrës më kanë larguar nga
përfaqësimi. Vlen të theksoj se projektet e mia kanë qenë mjaft
frytdhënëse për Shkodrën. Konkretisht kam kërkuar reformën në kulturë
por asnjëri prej tyre nuk e ka çarë kokën për këtë punë.
Përfundimisht, nëse Jozefina Topalli do të jetë përsëri e deleguar në
zgjedhejt e PD-së në rang qarku në Shkodër, mund t’ju siguroj se
situate në këtë parti do të jetë përsëri ashtu si gjatë 3 viteve të
fundit. Pra do të kishim përsëri një degë partie thuajse inekzistente e
cila do të varej nga drejtimi nepotist dhe klanor.
INTERVISTOI: ARBEN LAGRETA
|
|
Lexo me shume...
|
|
|
Thursday, 31 January 2008 |
Radio Shkodra me 21 mars 1991: “Intervista me monsinjor Klaudio Çelin!”
Per kete shkrim mu ba shkas shkrimi me titullin “Memorie” ne gazeten
Culturaclubteftatashkokoco:
http://groups.yahoo.com/group/culturalclub-teftatashkokoco/message/2659
:
|
|
Lexo me shume...
|
|
|
Monday, 19 November 2007 |
 1. Raportet në KLD po ndryshojnë në favor të pozitës. Keni ju një koment për këtë?
Duke gjykuar nga ndryshimi i fundit në strukturën e KLD-së (zgjedhja e
z. Kreshnik Spahiu si nënkryetar i saj; kurse ardhja e z. Alibeaj nuk
mund të merret fort në konsiderate në lidhje me atë që nënkupton pyetja
juaj, pasi ai zëvendëson një minister drejtësie me të njëjtin vokacion
politik) nuk më rezulton të kemi ndonjë ndryshim cilësor në raportet e
pushtetit brenda KLD-së, i cili do të ishte në favor të pozitës. Të
paktën në aktivitetin publik të z. Spahiu nuk kam konstatuar ndonjëherë
elemente militantizmi apo preferenciale ndaj pushtetit aktual.
Gjithsesi ai ka tashmë një post drejtues dhe mbetet për t’u parë nëse
do ta ruajë pavarësinë që kërkon detyra e tij.
|
|
Lexo me shume...
|
|
|
Saturday, 22 September 2007 |
Speciale / Ekskluzive
Intervistė me aktorin e madh tė humorit Zef Deda.
Mė plas zemra me e ba me qeshė kėtė popull
Nga Besi Bekteshi
Krejtėsisht i lirshėm dhe njė humor tė vazhdueshėm njė nga mjeshtrat e
interpretimit dhe njė trashėgues i denjė i tė gjithė plejadės nė kohė
tė humorit mė tė pėrveēėm, origjinal dhe krenar si shkodran, Zef Deda
tregon jo vetėm idetė e tij pėr humorin dhe Shkodrėn, por edhe pėr
artin nė pėrgjithėsi me tė gjitha vėshtirėsitė e tij nė kohėn e sotme.
|
|
Lexo me shume...
|
|
|
Monday, 16 July 2007 |
 PAK DRITE MBI LIDHJET E HERSHME SHQIPTARO-FRANCEZE
-Ekonomisti shkodran Engjėll Ēeka, nė kėtė intervist flet pėr
kontributin qė ka dhėnė gjyshi i tij, Mikeli, nė gjysmėn e dytė tė
shekullit tė 19-tė kur punonte si ndihmės i Konsullit tė Francės nė
Shkodėr..
SHKODER Qyteti nė tė cilin, deri nė fund tė Luftės sė Dytė Botėrore,
ishin instaluar konsullatat e shteteve kryesore tė Evropės, Shkodra,
sot ruan vetėm reliket dhe kujtimin e tyre.Engjėll Ēeka, pasardhės i
njėrės prej familjeve mė tė vjetra qytetare shkodrane prononcohet pėr
kontributin qė gjyshi dhe vėllai i tij dhanė pėrsa i takon marrdhėnieve
shqiptaro-franceze, nė pozicionin e drejtpėrdrejtė qė u ofronte qenia
nė Shkodėr e konsullatės frėnge.Ndonėse ishte gjysma e dytė e shekullit
tė 19-tė, periudhė kjo mjaft e errėt pėr Shqipėrinė, kontributi i
vėllezėrve Ēeka shkon pėrtej lidhjeve tė tyre tė drejtpėrdrejta me
konsullatėn frėngė nė Shkodėr.
|
|
Lexo me shume...
|
|
|
|
<< Fillim < Prapa 1 2 3 4 Para > Fund >>
|
| Rrezultatet 1 - 9 e 32 |
Intervista 
n`Shkoder
Dëshiron te publikosh diçka qe mendon se eshte ne sherbim te komunitetit te qytetit tend?!! 
